55 ka Out-of-School Youth, nitapos na sa Libreng training-to-employment program

Nidawat na sa ilang Certificates ang 55 ka out-of-school-youth human nila makompleto ang 20 ka adlaw nga Masonry NC II Training program.

Gipasiugdahan kini sa T’nalak Asiapro Foundation ug City government ka tambayayong ang TELUS company ug Technical Education Skills and Development Authority (TESDA).

Gawas sa training, nahatagan usab sa libreng mga gamit, daily allowance, ug uniform ang mga benepisaryo nga kadaghanan mga less fortunate ug way kitaan sa adlaw-adlaw.

Personal nga nisaludo kanila si Mayor Joseph Evangelista tungod sa lig-ong dedikasyon sa gihanyag nga oportunidad tumong mapauswag ang ilang pangnabuhi.

Partikular nga gitun-an sa training ang aktwal nga cement mixing, pagbuhos sa building foundation, finishing, ug tile placement; ug nipailawom usab sila sa personality enhancement orientation.

Gahulat kanila ang trabaho - tungod gitakda silang ipailawom sa final assessment ug job recruitment karong Marso kinse sa usa ka dakong private construction firm nga nakabase sa Manila.

Kini ang ikaduhang higayon nga napili ang Kidapawan City nga recipient sa samang training tungod sa han-ay ug paspas nga pagpatuman sa programa. (CIO)

PRESS RELEASE

City Government of Kidapawan

Office of the City Information

Click on this link to view original post:

https://www.facebook.com/share/p/1AyGeoTmK5/